ರಿಯಾದ್.ಆ,31: ಸೌದಿ ಅರೇಬಿಯಾದಲ್ಲಿ ಕೆಲಸದ ಸ್ಥಳಗಳಲ್ಲಿ ದೂಮಪಾನ ನಿಷೇಧ ಕಾನೂನು ಇಂದಿನಿಂದ ಜಾರಿಯಾಗಲಿದೆ. ಕಾರ್ಮಿಕ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವರು ಕಳೆದ ತಿಂಗಳು ಕಾನೂನು ಜಾರಿ ಮಾರ್ಗಸೂಚಿಗಳಿಗೆ ಅಂತಿಮ ಅನುಮೋದನೆ ನೀಡಿದ್ದರು. ಹೊಸ ಕಾನೂನು ಉಲ್ಲಂಘಿಸುವವರಿಗೆ ಕಠಿಣ ದಂಡ ವಿಧಿಸಲಾಗುತ್ತದೆ.
ದೇಶದ ಕೆಲಸದ ಸ್ಥಳಗಳಲ್ಲಿ ಧೂಮಪಾನ ನಿಷೇಧವನ್ನು ಕಳೆದ ಶಅಬಾನ್ ತಿಂಗಳಲ್ಲಿ ಹೊರಡಿಸಲಾಗಿತ್ತು. ಈ ಆದೇಶದ ಅನುಷ್ಠಾನದ ಮಾರ್ಗಸೂಚಿಗಳಿಗಾಗಿ ಕಾರ್ಮಿಕ ಮತ್ತು ಸಾಮಾಜಿಕ ಅಭಿವೃದ್ಧಿ ಸಚಿವ ಅಹ್ಮದ್ ಬಿನ್ ಸುಲೈಮಾನ್ ಅಲ್ರಾಜಿ ಕಳೆದ ತಿಂಗಳು ಅಂತಿಮ ಅನುಮೋದನೆ ನೀಡಿದ್ದರು. ಮುಹರ್ರಂ 1ರಿಂದ(ಆ,31-2019) ಕಾನೂನು ಜಾರಿಗೆ ಬರಲಿದೆ.
ಹೊಸ ಕಾನೂನು ಉಲ್ಲಂಘಿಸುವ ಸಂಸ್ಥೆಗಳ ವಿರುದ್ಧ ಕಠಿಣ ಶಿಕ್ಷೆಗಳನ್ನು ವಿಧಿಸಲಾಗುತ್ತದೆ. ರಾಷ್ಟ್ರೀಯ ತಂಬಾಕು ನಿರ್ಮೂಲನಾ ಸಮಿತಿಯ ಸಹಕಾರದೊಂದಿಗೆ ಶಿಫಾರಸುಗಳನ್ನು ನೀಡಲಾಗಿದೆ. ನಿರ್ಧಾರವನ್ನು ಕಾರ್ಯಗತಗೊಳಿಸಲು ಮಾಲೀಕರು ಮತ್ತು ಉದ್ಯೋಗಿಗಳಿಗೆ ಈಗಾಗಲೇ ಪ್ರಸ್ತಾಪಗಳನ್ನು ಹೊರಡಿಸಲಾಗಿದೆ. ಕಾರ್ಮಿಕರ ಆರೋಗ್ಯವನ್ನು ಕಾಪಾಡುವುದು, ಪರಿಸರವನ್ನು ರಕ್ಷಿಸುವುದು, ಕೆಲಸದ ಸಂಸ್ಥೆಗಳ ಆಸ್ತಿಯನ್ನು ರಕ್ಷಿಸುವುದು ಮತ್ತು ಉತ್ತಮ ಕೆಲಸದ ವಾತಾವರಣವನ್ನು ಸೃಷ್ಟಿಸುವುದು ಈ ನಿಷೇಧದ ಗುರಿಯಾಗಿದೆ.
