ಪ್ರಯಾಣ ನಿಷೇಧ ಮುಂದುವರಿಕೆ- ದುಬೈನಲ್ಲಿ ಸಿಲುಕಿರುವ ಅನಿವಾಸಿಗಳು ಆತಂಕದಲ್ಲಿ

ಕುವೈತ್ ಸಿಟಿ : ಮುಂದಿನ ಸೂಚನೆ ಬರುವವರೆಗೂ ಕುವೈತ್‌ನಲ್ಲಿ ವಿದೇಶಿಯರಿಗೆ ಪ್ರವೇಶ ನಿಷೇಧವನ್ನು ಮುಂದುವರಿಸಲಾಗುವುದು ಎಂಬ ಸರ್ಕಾರದ ಘೋಷಣೆಯಿಂದ ವಲಸಿಗ ಸಮೂಹ ನಿರಾಶೆಗೊಂಡಿದೆ.ಕನಿಷ್ಠ ಜೂನ್ ವರೆಗೆ ನಿಷೇಧವು ಮುಂದುವರಿಯಲಿದೆ ಎಂಬುದಾಗಿದೆ ಅನಧಿಕೃತ ಸೂಚನೆ. ಪ್ರಸ್ತುತ, ಕುವೈತ್‌ನಲ್ಲಿರುವವರಿಗೆ ಊರಿಗೆ ಮರಳಲು ಸಾಧ್ಯವಿದೆ, ಆದರೆ ಹಿಂದಿರುಗುವ ಬಗ್ಗೆ ಅನಿಶ್ಚಿತತೆಯಿಂದಾಗಿ ಅನೇಕರು ಪ್ರಯಾಣವನ್ನು ಮೊಟಕುಗೊಳಿಸಿದ್ದಾರೆ.

ತಳೀಯವಾಗಿ ಮಾರ್ಪಡುಗೊಂಡಿರುವ ಕೊರೋನಾ ವೈರಸ್ ಪತ್ತೆಯಾದ ಬೆನ್ನಲ್ಲೇ ಫೆಬ್ರವರಿ 7 ರಿಂದ ಕುವೈತ್ ವಿದೇಶಿಯರನ್ನು ದೇಶಕ್ಕೆ ಪ್ರವೇಶಿಸುವುದನ್ನು ನಿಷೇಧಿಸಿದೆ. ಇದಕ್ಕೂ ಮುನ್ನ ಭಾರತ ಸೇರಿದಂತೆ 35 ದೇಶಗಳಿಂದ ಕುವೈತ್‌ಗೆ ನೇರ ಪ್ರವೇಶವನ್ನು ನಿಷೇಧಿಸಲಾಗಿತ್ತು. ನಿಷೇಧವನ್ನು ನಿವಾರಿಸಲು ದುಬೈ ಸೇರಿದಂತೆ ಸ್ಥಳಗಳಲ್ಲಿ 2 ವಾರಗಳ ಸಂಪರ್ಕತಡೆಯನ್ನು ಪೂರ್ಣಗೊಳಿಸಿ ಕುವೈತ್ ಗೆ ಪ್ರಯಾಣಿಸುತ್ತಿದ್ದರು.

ವಲಸಿಗರ ಪ್ರವೇಶವನ್ನು ಸಂಪೂರ್ಣವಾಗಿ ನಿಷೇಧಿಸುವುದರೊಂದಿಗೆ, ಅನೇಕರು ದುಬೈ, ಒಮಾನ್ ಅಂತಹ ದೇಶಗಳಲ್ಲಿ ಸಿಲುಕಿಕೊಂಡಿದ್ದಾರೆ. ಅವರಲ್ಲಿ ಹೆಚ್ಚಿನವರು ಮನೆಗೆ ಮರಳಿದ್ದಾರೆ. ಕೆಲಸ ಮತ್ತು ವೀಸಾ ನವೀಕರಣಕ್ಕಾಗಿ ತಕ್ಷಣವೇ ಕುವೈತ್‌ಗೆ ಬರಬೇಕಾದ ಅನೇಕ ಜನರಿದ್ದಾರೆ. ಶೀಘ್ರದಲ್ಲೇ ನಿಷೇಧವನ್ನು ತೆಗೆದುಹಾಕಲಾಗುವುದು ಎಂಬ ನಿರೀಕ್ಷೆಯಲ್ಲಿ ದುಬೈನಲ್ಲಿ ಉಳಿದುಕೊಂಡಿರುವವರು ನಿರಾಶೆಗೊಂಡಿದ್ದಾರೆ.

ತಿಂಗಳುಗಳಿಂದ ಆದಾಯವಿಲ್ಲದೆ, ದೇಶದಲ್ಲಿ ಸಿಲುಕಿರುವವರು ಉದ್ಯೋಗ ಕಳೆದುಕೊಳ್ಳುವ ಆತಂಕದಲ್ಲಿದ್ದಾರೆ. ರಜಾ ಅವಧಿ ಲಭಿಸಿದ ನಂತರವೂ ಮನೆಗೆ ಹೋಗದವರು ಹಲವರಿದ್ದಾರೆ. ಕಂಪನಿಯಿಂದ ಬಲವಂತವಾಗಿ ರಜೆ ನೀಡಲಾಗಿದ್ದರೂ ಕೆಲಸ ಕಳಕೊಲ್ಲುವ ಭಯದಿಂದ ಮನೆಗೆ ತೆರಳದೇ ತೀವ್ರ ಖಿನ್ನತೆಯ ಸ್ಥಿತಿಯಲ್ಲಿ ವಾಸಿಸುತ್ತಿದ್ದಾರೆ.