ಅಬುಧಾಬಿ: ಯುಎಇ ಘೋಷಿಸಿದ ನಿವೃತ್ತಿ ವೀಸಾ ಯೋಜನೆಗೆ ಅತ್ಯುತ್ತಮ ಪ್ರತಿಕ್ರಿಯೆ. ಈ ಯೋಜನೆಯು ಭಾರತ ಸೇರಿದಂತೆ ಹಲವು ದೇಶಗಳ ಸಾವಿರಾರು ಜನರಿಗೆ ಪ್ರಯೋಜನಕಾರಿ ಎಂದು ಅಂದಾಜಿಸಲಾಗಿದೆ.
55 ವರ್ಷಕ್ಕಿಂತ ಮೇಲ್ಪಟ್ಟವರಿಗೆ ನಿವೃತ್ತಿ ವೀಸಾ ನೀಡುವ ಯೋಜನೆಯನ್ನು ಯುಎಇ ನಿನ್ನೆ ಘೋಷಿಸಿತ್ತು. ಪಾಲುದಾರರು ಮತ್ತು ಮಕ್ಕಳಿಗೆ ವೀಸಾ ಲಭ್ಯ. ಈ ನವೀನ ಯೋಜನೆಯನ್ನು ದುಬೈ ಪ್ರವಾಸೋದ್ಯಮ ಮತ್ತು ವಲಸೆ ಅಭಿವೃದ್ಧಿಪಡಿಸಿದೆ. ಈ ಯೋಜನೆಯು ಹೆಚ್ಚಿನ ಪ್ರವಾಸಿಗರನ್ನು ಮತ್ತು ಹೂಡಿಕೆದಾರರನ್ನು ದುಬೈಗೆ ಆಕರ್ಷಿಸಲು ಸಹಾಯ ಮಾಡುತ್ತದೆ ಎಂದು ನಂಬಲಾಗಿದೆ.
ವೀಸಾಗಳನ್ನು ಕಟ್ಟುನಿಟ್ಟಾದ ನಿಯಮಗಳು ಮತ್ತು ಷರತ್ತುಗಳ ಮೇಲೆ ನೀಡಲಾಗುತ್ತದೆ. ಅರ್ಜಿ ಸಲ್ಲಿಸುವ ಮೊದಲು, ಅರ್ಜಿದಾರರಿಗೆ ಆರೋಗ್ಯ ವಿಮೆ, ತಿಂಗಳಿಗೆ 20 ಸಾವಿರ ದಿರ್ಹಮ್ ಆದಾಯ, 10 ಲಕ್ಷ ದಿರ್ಹಮ್ ಹೂಡಿಕೆ, ದುಬೈನಲ್ಲಿ 20 ಲಕ್ಷ ದಿರ್ಹಮ್ ಮೌಲ್ಯದ ಆಸ್ತಿ, ಠೇವಣಿ ಮತ್ತು ಆಸ್ತಿಗಳು ಸೇರಿ 20 ಲಕ್ಷ ದಿರ್ಹಮ್ ಮೌಲ್ಯ ಮುಂತಾತವುಗಳಲ್ಲೊಂದು ಹೊಂದಿರಬೇಕು.
ನಿವಾಸಿ ವಿಸಾ ಹೊಂದಿರುವವರನ್ನು ಮೊದಲ ಬಾರಿಗೆ ಪರಿಗಣಿಸಲಾಗುವುದು ಎಂದು ದುಬೈ ವಲಸೆ ಇಲಾಖೆ ತಿಳಿಸಿದೆ.
ವಿಶ್ವದ ಅತ್ಯುತ್ತಮ ಪ್ರವಾಸಿ ತಾಣಗಳಲ್ಲಿ ಒಂದಾದ ದುಬೈನಲ್ಲಿ ಕುಟುಂಬದೊಂದಿಗೆ ಇರಲು ಅನೇಕ ಜನರು ಅಧಿಕಾರಿಗಳನ್ನು ಸಂಪರ್ಕಿಸುತ್ತಿದ್ದಾರೆ.