ದುಬೈ, ಆ.19: ಭಾರತಕ್ಕೆ ಫ್ಲೈದುಬೈ ವಿಮಾನದಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ ಇನ್ನು ಮುಂದೆ ಕೋವಿಡ್ ಟೆಸ್ಟ್ ಅಗತ್ಯವಿಲ್ಲ. ವಿಮಾನ ನಿಲ್ದಾಣದಲ್ಲಿ ನಡೆಸುತ್ತಿದ್ದ ರಾಪಿಡ್ ಪರೀಕ್ಷೆಯನ್ನು ಕೈಬಿಡಲಾಗಿದೆ. ಆದರೆ, ಅಬುಧಾಬಿ ಮತ್ತು ಶಾರ್ಜಾದಿಂದ ಪ್ರಯಾಣಿಸಲು ನಾಳೆಯಿಂದ ಪಿಸಿಆರ್ ಪರೀಕ್ಷೆ ಕಡ್ಡಾಯವಾಗಿದೆ.
ತೊಂದರೆಗೀಡಾದ ವಲಸಿಗರನ್ನು ವಾಪಸ್ ಕಳುಹಿಸಲು ಪ್ರಾರಂಭಿಸಿದಾಗಿನಿಂದ ದುಬೈ ವಿಮಾನ ನಿಲ್ದಾಣದಲ್ಲಿ ತ್ವರಿತ ತಪಾಸಣೆ ಕಡ್ಡಾಯವಾಗಿತ್ತು.ಈ ಟೆಸ್ಟ್ ನ್ನು ನಿನ್ನೆ ವಿಮಾನ ನಿಲ್ದಾಣದಿಂದ ದುಬೈ ಶಬಾಬ್ ಅಲ್ ಅಹ್ಲಿ ಫುಟ್ಬಾಲ್ ಕ್ಲಬ್ಗೆ ವರ್ಗಾಯಿಸಲಾಯಿತು.ಇಲ್ಲಿ ಭಾರೀ ಜನಸಂದಣಿ ಉಂಟಾದ ಹಿನ್ನೆಲೆಯಲ್ಲಿ ಫ್ಲೈ ದುಬೈ ಟೆಸ್ಟ್ ಅಗತ್ಯವಿಲ್ಲ ಎಂಬ ಘೋಷಣೆ ಮಾಡಿದೆ.
ಫ್ಲೈದುಬೈನಲ್ಲಿ ಟಿಕೆಟ್ ಖರೀದಿಸುವವರು ಯಾವುದೇ ಕೋವಿಡ್ ಚೆಕ್ ಇಲ್ಲದೆ ಮಾಸ್ಕ್ ಧರಿಸಿ ಪ್ರಯಾಣಿಸಬಹುದು ಎಂದು ಪ್ರವಾಸೋದ್ಯಮದಲ್ಲಿರುವವರು ಹೇಳುತ್ತಾರೆ.
ಆದರೆ, ದುಬೈನಿಂದ ಕಾರ್ಯನಿರ್ವಹಿಸುತ್ತಿರುವ ಇತರ ವಿಮಾನಯಾನ ಸಂಸ್ಥೆಗಳು ಅಂತಹ ಸೂಚನೆ ನೀಡಿಲ್ಲ. ಇದಲ್ಲದೆ, ಅಬುಧಾಬಿ ಮತ್ತು ಶಾರ್ಜಾ ವಿಮಾನ ನಿಲ್ದಾಣಗಳಿಂದ ನಿರ್ಗಮಿಸಲು 96 ಗಂಟೆಗಳಲ್ಲಿ ನಡೆಸಲಾದ ಕೋವಿಡ್ ಪರೀಕ್ಷೆಯ ಫಲಿತಾಂಶಗಳು ನಾಳೆಯಿಂದ ಕಡ್ಡಾಯವಾಗಲಿದೆ. ಏರ್ ಇಂಡಿಯಾ ಎಕ್ಸ್ಪ್ರೆಸ್ ಸಹ ನಿನ್ನೆ ಈ ಕುರಿತು ಪ್ರಯಾಣಿಕರಿಗೆ ಮಾಹಿತಿ ನೀಡಿದೆ.