ಅಬುಧಾಬಿ: ಈ ವರ್ಷ ನಡೆಯುವ ‘ಎಕ್ಸ್ಪೊ 2020’ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಭಾರತೀಯರಿಗೆ ಉಚಿತ ವಿಸಾ ನೀಡಲು ಯುಎಇ ಸರಕಾರ ತೀರ್ಮಾನಿಸಿದೆ ಎಂದು ಅಲ್ಲಿನ ಭಾರತೀಯ ರಾಯಭಾರಿ ಪವನ್ ಕಪೂರ್ ತಿಳಿಸಿದ್ದಾರೆ. ಅವರು ಕೇರಳ ಸೋಷಿಯಲ್ ಸೆಂಟರ್ ಸಂಘಟಿಸಿದ ಕಾರ್ಯಕ್ರಮದಲ್ಲಿ ಈ ಬಗ್ಗೆ ವ್ಯಕ್ತಪಡಿಸಿದ್ದಾರೆ.
ಎಕ್ಸ್ಪೊ 2020 ರಲ್ಲಿ ಭಾರತದ ಪಾಲ್ಗೊಳ್ಳುವಿಕೆ ಇರಲಿದ್ದು, ಯುಎಇ ಸರಕಾರದ ಕಾರ್ಯವೈಖರಿಗಳಲ್ಲಿ ಭಾರತೀಯರು ಸಂಪೂರ್ಣ ಸಹಕಾರ ನೀಡಲಿದ್ದಾರೆ. ಯುಎಇಯ ಕಲಾ, ಸಂಸ್ಕಾರ, ವಾಣಿಜ್ಯ ಕ್ಷೇತ್ರಗಳಲ್ಲಿ ಭಾರತೀಯ ಸಮಾಜವು ಉತ್ತಮ ಸೇವೆಯನ್ನು ನೀಡುತ್ತಿದೆ ಎಂದು ಪವನ್ ಕಫೂರ್ ಹೇಳಿದ್ದಾರೆ.