ರಿಯಾದ್: ಸೌದಿ ಅರೇಬಿಯಾದ ಸರ್ವ ಮಸೀದಿಗಳನ್ನು ವೀಕ್ಷಿಸಬಲ್ಲ ಏಕೀಕರಣ ವ್ಯವಸ್ಥೆಯನ್ನು ಜಾರಿಗೊಳಿಸಲಾಗಿದೆ. ಪ್ರತ್ಯೇಕ ಉಪಕರಣದ ಮೂಲಕ ದೇಶದ ಎಲ್ಲಾ ಮಸೀದಿಗಳಲ್ಲಿ ನಡೆಯುವ ಪ್ರವಚನಗಳು ಮತ್ತು ಸುರಕ್ಷಾ ವ್ಯವಸ್ಥೆ ಗಳನ್ನು ಧಾರ್ಮಿಕ ಖಾತೆಯ ಸಚಿವಾಲಯ ತಿಳಿಯಲಿದೆ ಮುನ್ನೂರರಷ್ಟು ಮಸೀದಿಗಳಲ್ಲಿ ಈ ಉಪಕರಣಗಳನ್ನು ಈಗಾಗಲೇ ಸ್ಥಾಪಿಸಲಾಗಿದೆ.
ಮದೀನಾದ ಧಾರ್ಮಿಕ ಸಚಿವಾಲಯದ ಅಡಿಯಲ್ಲಿ ಪ್ರಾರಂಭಗೊಂಡ ಈ ವ್ಯವಸ್ಥೆಯನ್ನು ದೇಶದಲ್ಲೆಡೆ ವಿಸ್ತರಿಸಲಾಗುತ್ತಿದ್ದು, ಇದರ ಅನುಸಾರವಾಗಿ ಇನ್ನು ಮುಂದೆ ದೇಶದ ಮಸೀದಿಗಳೆಲ್ಲವೂ ಒಂದೇ ನೆಟ್ವರ್ಕ್ ಗೆ ಏಕೀಕರಣಗೊಳ್ಳಲಿದೆ. ಇದಕ್ಕಾಗಿ ಎಲ್ಲಾ ಮಸೀದಿಗಳಲ್ಲೂ ಉಪಕರಣಗಳನ್ನು ಸ್ಥಾಪಿಸಲಾಗುತ್ತಿದೆ.
ಸುರಕ್ಷಾ ವ್ಯವಸ್ಥೆಯ ಪರಿಶೀಲನೆಯೊಂದಿಗೆ ಮಸೀದಿ ಮತ್ತು ಆರಾಧನಾ ವ್ಯವಸ್ಥೆಗೆ ಸಂಬಂಧಿಸಿದ ದೂರುಗಳನ್ನು ಮಸೀದಿಗಳ ಇಮಾಮರು ಈ ಮೂಲಕ ಸಚಿವಾಲಯಕ್ಕೆ ರವಾನಿಸಬಹುದಾಗಿದೆ. ಇದಕ್ಕಾಗಿ ತ್ವರಿತ ಸ್ಪಂದನೆ ಮತ್ತು ಕ್ಯು.ಆರ್. ಕೋಡ್ಗಳನ್ನು ಮಸೀದಿಗಳ ಇಮಾಮ್ಗಳಿಗೆ ನೀಡಲಾಗಿದೆ. ಈಗಾಗಲೇ ಮುನ್ನೂರು ಮಸೀದಿಗಳಲ್ಲಿ ಈ ವ್ಯವಸ್ಥೆ ಜಾರಿಗೆ ಬಂದಿದ್ದು, ಈ ವಾರ ಮತ್ತೆ ಮುನ್ನೂರು ಮಸೀದಿಗಳಿಗೆ ಸ್ಥಾಪಿಸಲಾಗಿದೆ. ಬಾಕಿ 1700 ಮಸೀದಿಗಳಲ್ಲಿ ಈ ವ್ಯವಸ್ಥೆಯನ್ನು ಶೀಘ್ರದಲ್ಲೇ ಸ್ಥಾಪಿಸಲಾಗುವುದು ಎಂದು ಅಧಿಕೃತರು ತಿಳಿಸಿದ್ದಾರೆ.