ಅತ್ಯುನ್ನತ ನಾಗರಿಕ ಶೌರ್ಯ ಪ್ರಶಸ್ತಿಗೆ ಭಾಜನಾರಾದ ಬಸ್ ಚಾಲಕ ಶೇಕ್ ಸಲೀಂ

ಕಳೆದ ವರ್ಷ ಭಯೋತ್ಪಾದಕರ ಗುಂಡುಗಳನ್ನು ಧಿಕ್ಕರಿಸಿ 52 ಅಮರನಾಥ್‌ ಯಾತ್ರಿಕರ ಪ್ರಾಣ ಉಳಿಸಿದ ಗುಜರಾತ್‌ ಮೂಲದ ಬಸ್‌ ಚಾಲಕ ಶೇಖ್‌ ಸಲೀಂ ಗಫೂರ್‌ ಅವರು 2ನೇ ಅತ್ಯುನ್ನತ ನಾಗರಿಕ ಶೌರ್ಯ ಪ್ರಶಸ್ತಿಯಾದ ‘ಉತ್ತಮ ಜೀವನ ರಕ್ಷಾ ಪದಕ’ಕ್ಕೆ ಭಾಜನರಾಗಿದ್ದಾರೆ.

ಗಣರಾಜ್ಯೋತ್ಸವದ ಅಂಗವಾಗಿ ಕೇಂದ್ರ ಗೃಹ ಸಚಿವಾಲಯ ಬುಧವಾರ ಈ ಪ್ರಕಟಣೆ ಹೊರಡಿಸಿದೆ. ‘ಸರ್ವೋತ್ತಮ ಜೀವನ ರಕ್ಷಾ ಪದಕ’ವು ಶೌರ್ಯಕ್ಕಾಗಿ ನಾಗರಿಕರಿಗೆ ಕೊಡಮಾಡುವ ಅತ್ಯುನ್ನತ ಗೌರವವಾಗಿದೆ.

ಗುಜರಾತ್‌ನಿಂದ ಅಮರನಾಥ್‌ ಯಾತ್ರೆಗೆ ಹೊರಟಿದ್ದ ಗಫೂರ್‌ ಬಸ್ಸು 2017ರ ಜುಲೈ 10ರಂದು ಜಮ್ಮು ಮತ್ತು ಕಾಶ್ಮೀರದಲ್ಲಿ ಉಗ್ರಗಾಮಿಗಳ ದಾಳಿಗೆ ಸಿಲುಕಿತ್ತು. ಈ ಸಂದರ್ಭದಲ್ಲಿ ಬಸ್‌ ನಿಲ್ಲಿಸಿದ್ದರೆ ಭಾರಿ ಅನಾಹುತ ಸಂಭವಿಸುತ್ತಿತ್ತು. ಆದರೆ, ಗಫೂರ್‌ ಹಾಗೆ ಮಾಡದೆ ಧೈರ್ಯವಾಗಿ ಬಸ್‌ ಚಾಲನೆ ಮಾಡಿದ್ದರು. ಈ ಸಂದರ್ಭದಲ್ಲಿ 7 ಯಾತ್ರಿಕರು ಮೃತಪಟ್ಟಿದ್ದರು. ಇತರ 14 ಮಂದಿ ಗಾಯಗೊಂಡಿದ್ದರು.

(ಕೃಪೆ- ವಿಜಯ ಕರ್ನಾಟಕ)

Leave a Reply

Your email address will not be published. Required fields are marked *

error: Content is protected !!