ಮಕ್ಕಾ: ಪವಿತ್ರ ಮಕ್ಕಾದಲ್ಲಿ ಪ್ರಗತಿಯಲ್ಲಿರುವ ಕಿಂಗ್ ಅಬ್ದುಲ್ ಅಝೀಝ್ ಯೊಜನೆಯ ನಿರ್ಮಾಣ ಕಾಮಗಾರಿಯು ಮುಂದಿನ ರಮಝಾನ್ ಒಳಗೆ ಪೂರ್ಣಗೊಳ್ಳಲಿದೆ ಎಂದು ಹರಂ ಖಾತೆಯ ಅಧಿಕಾರಿ ಶೈಖ್ ಡಾ.ಅಬ್ದುಲ್ ರಹ್ಮಾನ್ ಅಲ್ ಸುದೈಸ್ ಹೇಳಿದ್ದಾರೆ.
ಕಾಮಗಾರಿ ಪೂರ್ಣಗೊಳಿಸಿ ಮುಂದಿನ ರಮಝಾನ್ಗೆ ಪವಿತ್ರ ಮಕ್ಕಾಗೆ ತಲುಪುವ ಯಾತ್ರಾರ್ಥಿಗಳಿಗೆ ಪ್ರಾರ್ಥನೆಗೆ ಬಿಟ್ಟು ಕೊಡಲಾಗುವುದು. ಪ್ರಗತಿಯ ಬಗ್ಗೆ ಎರಡು ಹರಂ ಪ್ರಾಧಿಕಾರಗಳ ಕಚೇರಿಯು ಪರಿಶೀಲಿಸಿದ್ದು, ಯೋಜನೆಯನ್ನು ಪೂರ್ಣಗೊಳಿಸಲು ಬೇಕಾದ ಮಾರ್ಗದರ್ಶನವನ್ನು ನೀಡಲಾಗಿದೆ.
ಸೌದಿ ಯುವರಾಜ ಮುಹಮ್ಮದ್ ಬಿನ್ ಸಲ್ಮಾನ್ ಕಳೆದ ಮಂಗಳವಾರ ಕಾಮಗಾರಿ ಪ್ರಗತಿಯ ಬಗ್ಗೆ ಮೌಲ್ಯಮಾಪನ ನಡೆಸಿ, ಅಧಿಕಾರಿಗಳೊಂದಿಗೆ ಚರ್ಚೆ ನಡೆಸಿದ್ದಾರೆ. ಸೌದಿ ಸರ್ಕಾರವು ಆವಿಷ್ಕಾರಗೊಳಿಸಿದ ವಿಷನ್ 2030 ಯೋಜನೆಯ ಮೂಲಕ ಮೂರು ದಶಲಕ್ಷ ಯಾತ್ರಿಕರನ್ನು ಆಕರ್ಷಿಸುವುದು ಯೋಜನೆಯ ಉದ್ದೇಶ ಎನ್ನಲಾಗಿದೆ.